[FORUM SOCIAL LIMIAO]

Alternativas de producción no rural a debate. Documentario "A NOVA ALDEA" , sábado 21, às 20h00, na Casa da Cultura

2012-01-18T07:05:00.000-08:00

Sábado 21, às 20h00, na Casa da Cultura en Xinzo.
Mais unha xornada de debate, agora adicada ás alternativas de producción no rural. Pasarase o documentario "A NOVA ALDEA" que nos mostará exemplos de modelos de vida fora dos grandes circuitos comerciais e empresariais. Cuestión que nos trará debate tamén as novas teorias do descrimeneto e o antidesarrollismo como modelos posíbeis de saída e desconexión do voraz capitalismo que vivemos hoxe en día.

A NOVA ALDEA

A NOVA ALDEA é un documental que desenvolve a idea central do repoboamento do rural galego entendido este como un ecosistema que nun tempo foi prioritario para o desenvolvemento de Galicia, e que agora se atopa nunha crise profunda a piques da súa desaparición. O que se persegue é que sexa un documental non meramente descritivo, senón que albisque posibles solucións na dirección de conformar ou replantexar un novo hábitat rural vivible hoxe en día, e cunha dignidade social i económica real, contemplando o rural con esperanza, coma un eido onde sexa posible vivir unha vida moderna e de futuro.

Ligazón ao documentario: http://blip.tv/oroxo-tv/a-nova-aldea-4122796

Documentario “Consume hasta morir”, venres 16 ás 20h30 na Casa da Cultura

2011-12-12T09:06:00.000-08:00

Continuamos con mais unha actividade deste recentemente creado Forum Social Limiao, nesta ocasión coa proxección de un documentario intitulado “Consume hasta morir” o próximo venres día 16 ás 20h30 na Casa da Cultura de Xinzo e posterior coloquio por volta de uns do piares sobre os que se fundamentou até o de agora o imperante sistema capitalista: o consumo.

“Nunca tiveches a sensación de que, na túa vida cotiá, hai sempre “algo" que te incita a comprar calquera tipo de produto ou servizo, aínda que non o necesites?. Disto e outras cuestións vai este magnífico documental no que se nos mostran sen disimulos algunhas das estratexias que utilizan as grandes marcas para crear en nós todas esas falsas necesidades.

É un feito que vivimos nunha sociedade absolutamente consumista, non obstante iso é algo que temos asumido e, en consecuencia, obviamos. Pero de cando en vez quizais é boa idea pararse a pensar quen dirixe as nosas vidas, as nosas necesidades e as nosas decisións pois, aínda que a publicidade e as estratexias de mercadotecnia poidan parecer recursos puramente persuasivos, en moitas ocasións condicionan os nosos actos ou decisións e, o que é peor, a nosa percepción da realidade, creando falsas necesidades e converténdonos en marionetas do mercado sempre á espectativa dun inalcanzable benestar”

Presentación pública

2011-10-25T04:01:00.001-07:00

Forum Social Limiao.

26 de Novembro, Casa da Cultura (Xinzo de Limia)

“Capitalismo é crise. Outro mundo é posíbel”

Programa:

16h30.-Presentación

17h00.- Mesa-redonda. "Causas e consecuencias da crise capitalista"

- Documentario "Debtocracy"

18h00.- Mesa-redonda. “Respostas populares á crise. 15 M e outras alternativas”

- Participarán unha Portavoz do 15 M e un politólogo especialista en movimentos e intervención social.

19h30.- Asemblea Aberta

23h00.- Concerto. "Irmandades do Falo" Sala Clan

Quen somos?

2011-10-25T02:09:00.000-07:00

FORUM SOCIAL LIMIAO é unha iniciativa social impulsionada por persoas a título individual da comarca da Limia, aberta a todos e a todas aquelas que acreditamos nun outro mundo posíbel.

FORUM SOCIAL LIMIAO nace como espazo de reflexión, debate e acción, plural e participacipativo, para a análise da actual situación económica, social, ambiental, alimentaria, etc e para o deseño de alternativas para a construcción de un mudo xusto, igualitario e solidario.

FORUM SOCIAL LIMIAO asume como propias as loitas desenvolvidas até hoxe polos movimentos sociais nos distintos frentes para colocar ao ser humano acima de calquera outro interese, xa for político ou económico.

FORUM SOCIAL LIMIAO, desde o asemblearismo e a horizontalidade, quer achegar o seu grau de area aos actuais movimentos e procesos de vertebración de un sistema alternativo ao voraz capitalismo hoxe imperante en todos os pobos do mundo.